Les mots surlignés font l'objet d'une note
104 septembre 1571. Répondue.
2Monseigneur estans tombés en notre maison comme en different sur ce
3que ceulx qui hont logés des soldartz chieux eulx demandent estre
4recompencées pour les utencilles, à raison de six liardz pour homme soldat
5pour chescung jour et pour le cappitayne à raison de six solz, oultre deux
6charges de boys quon luy fornit pour jour pour soulager son hoste,
7et aultant à lhoste de son lieutenent, à lhoste de lenseigne quatre
8solz avecq une charge de boys, au sergent major ou à son hoste
9à raison de deux solz et an chacung des hostes des caporaulx et
10aultres sergentz le semblable. Pource mesmes que les aulcungz
11hont tenu que pour chescung soldat soffizoit à raison de ung seul
12les aultres de cinq lyardz et la plus grand partie emporte
13par ceulx qui hont lesdits soldatz sur ce oppinantz ausdits six liardz, ou de
14les changer de moys en moys de logis, lequel changement le
15cappitayne ne veult permectre, pour ne discomoder ne separer sesdits
16soldatz et yceulx esquarter, a esté trouvé necessaire d’en recourir
17à votre seigneurie pour en ordonner et commander votre bon playsir,
18et le moyen qu’on ha à y tenir et advenant quil pleust à votre
19seigneurie y ordonner taxe par mesme moyen, vous supplions
20très humblement permectre la levée des deniers à ce necessaires
21estre faicte entre nous par la fornir quil vous plarra, daultant que
22ne vouldrions en rien mesprendre, mais estre tosjours très humbles
23et obeyssantz subgectz et serviteurs à sa magesté de vivre en union soubz
24sa protection et votre, prians surce
25Monseigneur, le Createur vous donner en bonne santé longue et
26heureuse vie. De Dye, ce premier de septembre 1571.
27Voz très humbles et obeyssans serviteurs
28les consulz de Dye et pour eulx
29A Lambert, secretayre